АРХИСТРАТИГ РАФАИЛ (с евр. “помощь” или “исцеление” Божие). В Священном Писании Ветхого Завета святому...

АРХИСТРАТИГ РАФАИЛ (с евр. “помощь” или “исцеление” Божие). В Священном Писании Ветхого Завета святому Архангелу Рафаилу посвящена целая книга – Книга Товита, - посвященная ему. Когда Товия собирался идти по поручению отца идти в мидийский город Раги для получения 10 талантов серебра, отданных Товитом на сохранение Гаваилу, живущему в Рагах, и отыскивал себе попутчика. Им стал Архангел Рафаил, явившийся в виде юноши (Тов.5:4-6).Отправившись из дома Товита, Товия и Архангел Рафаил вечером пришли к реке Тигр. Товия пошел было купаться, но из реки показалась рыба, которая хотела поглотить юношу. Тогда Архангел Рафаил сказал ему: возьми эту рыбу, разрежь ее, вынь сердце, печень и желчь, и сбереги их. Юноша так и сделал, а потом спросил:“К чему сердце, печень и желчь рыбы могут служить?” Архангел Рафаил ответил, что если кого мучит злой дух, то сердцем и печенью должно курить перед таким человеком, и более уже не будет мучиться; а желчью помазать человека, который имеет бельма на глазах, и он исцелится (Тов.6:8-9). Слова архистратига оправдались. Когда путники пришли в Екбатаны, где жила Сарра, дочь Рагуила, семь женихов которой погубил демон Асмодей, то они были хорошо приняты в доме Рагуила. Рагуил отдал свою дочь Сарру в жены Товию, который, для изгнания демона, взял курильницу, как говорил ему Архангел Рафаил, положил сердце и печень рыбы, и курил в комнате Сарры. Демон, ощутив этот запах, убежал в верхние страны Египта (Тов.8:2-3). 
Получив деньги с Гаваила и, проведя 14 дней в доме Рагуила, Товия с женою своею Сарой и Архангелом Рафаилом пошли в обратный путь и пришли в Ниневию, где жил Товит. Рафаил сказал: я знаю, Товия, что у отца твоего откроются глаза; ты только помажь желчью глаза его, и он, ощутив едкость, оботрет их, и спадут бельма, и он увидит тебя (Тов.9:6-7).
Товия приложил желчь к глазам отца своего, и сказал: ободрись, отец мой! Глаза его заело, и он отер их. И снялись с краев глаз его бельма. Увидевши сына своего, он пал на шею к нему, и заплакал, и сказал: благословен Ты, Боже, и благословенно Имя Твое во веки, и благословенны все святые Ангелы Твои! (Тов.9:10-13). Неделю праздновал все семейство Товита. Когда же Товит хотел в благодарность отдать спутнику Товии половину принесенного серебра, Архангел Рафаил отозвал в сторону Товита и Товию и сказал им: “Благословляйте Бога, прославляйте Его, признавайте Величие Его и исповедуйте пред всеми живущими, что Он сделал для вас… Тайну цареву прилично хранить, а о делах Божиих объявлять похвально. Делайте добро, и зло не постигнет вас… Ныне Бог послал меня уврачевать тебя и невестку твою Сарру. Я – Рафаил, один из семи святых Ангелов, которые возносят молитвы святых, и восходят пред славу Святаго… Я пришел не по своему произволению, а по воле Бога нашего; потому и благословляйте Его во век” (Тов.7:6-7,14-15,18) 

МОЛИТВА АРХАНГЕЛУ РАФАИЛУ: Святый Архангеле Божий Рафаиле, исцели нас от болезней душевныя и телесныя!

МОЛИТВА СВЯТОМУ АРХИСТРАТИГУ РАФАИЛУ: Святой Архангел Божий Рафаил, принявший от Бога дар целить недуги, исцели неизлечимые язвы моего сердца и многие болезни моего тела. О, великий Архангел Божий Рафаил, ты – путеводитель, врач и целитель, руководи мною по дороге ко спасению и исцели все болезни моей души и плоти, и проведи меня к престолу Божию, и умоли Его Благоутробие за грешную мою душу, да простит меня Господь и сохранит от всех врагов моих и от злых человек, – и ныне, и до века. Аминь. 

ТРОПАРЬ АРХАНГЕЛУ РАФАИЛУ, глас 4: Небесных воинств Архангеле Рафаиле молим тя мы недостоинии да твоими молитвами оградиши нас от бед и напастей, сохраняя нас припадающих прилежно и вопиющих от недугов и всяких болезней избави нас, яко чиноначальник выших сил.

МОЛИТВА СВЯТОМУ АРХИСТРАТИГУ РАФАИЛУ ПЕРВАЯ: О, святый, славный Архангеле Божий Рафаиле! Скорый помощниче и теплый пред Богом о нас заступниче и молитвениче. Предстоя у престола святыя Троицы, моли Бога за нас, за Отечество наше, страну Российскую, за епископат и духовенство Православной Церкви, за всех православных христиан, за власть предержащих в стране нашей, за воинство Отечества нашего (и за всех моих родителей, учителей, начальников, наставников, благодетелей) и испроси нам у Господа прощение согрешений наших: да преложит Он на милость гнев Свой праведный, грехов ради наших движимый на нас. Не остави же, о, Архангеле Божий, нас и ты помощию и заступлением твоим, днесь прославляющих имя твое святое. Аще и многогрешнии есмы, обаче не хощем в беззакониях наших погибнути. Укрепи благодатию Господнею слабую волю нашу на дела благия. Буди и нам, якоже отроку Товии, путеводитель и советодатель в нашем многоскорбнем житии. Помози нам избавитися от гнетущих нас болезней, якоже ты избавил Товита от его многолетней слепоты. Егда же приблизится час скончания нашего, не остави нас, архангеле Божий, беззащитных на воздушных мытарствах против духов злобы, преграждающих восход в горняя. Да охраняеми тобою достигнем обителей Отца нашего Небеснаго и купно с тобою и со всеми святыми прославим Отца и Сына и Святаго Духа во веки веков. Аминь. 

МОЛИТВА СВЯТОМУ АРХИСТАТИГУ РАФАИЛУ ВТОРАЯ: О, великий архистратиже Божий Рафаиле! Ты еси путеводитель, врач и исцелитель, руководствуй меня ко спасению и исцели все болезни мои душевные и телесные, и приведи меня к Престолу Божию, и умоли Его благоутробие за грешную душу мою, да простит меня Господь и сохранит от всех врагов моих и от злых человек отныне и до века. Аминь.

АКАФИСТ СВЯТОМУ АРХИСТРАТИГУ БОЖИЕМУ РАФАИЛУ: 
Кондак 1: Избранный Богом от воинства небеснаго на служение роду человеческому, Архангеле Божий Рафаиле, и чудесами великими и славными на земли возсиявый, моли Христа Бога всяких искушений, бед и наветов вражеских избегнути нам и наследники Царствия Небесного соделатися, да радостными песньми, с любовию восхваляем тя, небеснаго предстателя и заступника нашего, зовуще: Радуйся, святый архангеле Рафаиле, целителю недугов наших и молитвениче о нас пред Богом. 
Икос 1: Архангели и ангели и вся воинства небесныя, предстояще у престола святыя Троицы непрестанно славословят Творца неба и земли. С ними же и ты, всеславный Рафаиле, воспеваеши гимны хвалебные Вседержителю. Приими же и от нас земнородных с любовию и надеждою приносимые ти величания сия: Радуйся, венцем победным паче звезд на небеси блистаяй; Радуйся, тимпане сладкозвучный, славу Божию бряцаяй. Радуйся, лютых и неисцельных недугов телесных врачевателю; Радуйся, немощей и страстей душевных целителю. Радуйся, всем приходящим к тебя благ преизобильный подателю; Радуйся, от теплохладия и маловерия нас преславный избавителю; Радуйся, неверующих в Промысел Божий в вере утверждаяй. Радуйся, от сна греховнаго души наши пробуждаяй. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 2: Видяще очесами веры силу и величие молниеноснаго вида твоего, архангеле Божий Рафаиле, мы, земнороднии, аще убо и грешнии и недостойнии, обаче с любовию и благодарением ко пресвятей Троице зовем вкупе с тобою и со всеми силы небесными: Аллилуйя. 
Икос 2: Разум человеческий не возможет постигнути всех таинств Премудрости и Милосердия Творца Нашего, ибо человеколюбивый Господь, видя страдания людей, по неизреченной милости Своей посылает на землю святых ангелов Своих для исцеления недугующих и утешения скорбящих. За твое служение роду человеческому приими, архангеле Божий, от нас в смирении и благоговении приносимое ти благодарение сие: Радуйся, слуго Господень, присно волю своего Владыки творяй; Радуйся, от райских обителей в юдоль плачевную нисходяй. Радуйся, от Бога повеление и власть человеком помагати приемляй; Радуйся, молитвы наша к стопам Вседержителя и Богородицы возносяй. Радуйся, сердца жестокия благодатно преображаяй; Радуйся, огнь веры истинныя и любве нелицимерныя возгреваяй. Радуйся, яко тобою бездну милосердия Божиего призываем; Радуйся, яко тобою спасение вечное улучити чаем. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 3: Силою благодати Божией своей приял еси власть, недуги исцеляти и бесы изгоняти, святый архангеле Божий Рафаиле, яко прослави тя всемогущий Бог многими чудотворении, мы же, на сие взирая, усердно притекаем к предстательству твоему для исцеления от недугов телесных, паче же душевных, и усердно просим тя: не остави нас всесильною помощию в борьбе с грехом и соблазнами мира сего, да беспреткновенно путь наш земной проидем и в радости духовней купно с тобою возпоим Триединому Богу благодарственную песнь: Аллилуйя. 
Икос 3: Имуща тя великаго помощника и крепкаго поборника на сопротивныя силы, молим тя, архангеле Рафаиле, буди нам покровитель на всех путях жизни нашей да со благодарением взываем ти сице: Радуйся, прежде всего о Бозе мыслити наставляяй; Радуйся, волю Его любити и творити подвизаяй. Радуйся, заповедь о любви к ближнему исполняти нас научаяй. Радуйся, миром и кротостию души наши наполняяй; Радуйся, дух милосердия в сердцах наших воскресай. Радуйся, от плевел ненависти их очищаяй; Радуйся, от всякага зла и греха нас сохраняяй. Радуйся, в добродетели терпения нас утверждаяй. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 4: Бури, искушений и бед избави нас, путеводителю наш Богом данный и не остави нас беспомощных в скорбные дни житейских испытаний и болезней, яко от Бога премудраго тя кормчаго жизни нашея стяжавше, егда волны мирских попеченей, страх и трепет смерти объемлят нас, не вемы бо, где обрящем тихое пристанище спасения? Сего ради на тя по Бозе надежду возлагаем всерадостно, благодарственно поя о тебе Вседержителю: Аллилуиа. 
Икос 4: Слышавше Всемилосердный Господь Наш слезные горячие молитвы верных слуг своих праведнаго Товита и страждущей от насилия демонскаго девы Сарры, благоизволи послати к ним тя, всеславный Рафаиле, да вся потребная им даруеши и в вере, благочестии и милосердии к ближним их утвердиши. Мы же, ныне вся сия поминающее, просим тя, архистратиже Божий, твоею молитвою исцели и нас, грешных, да благодарственнее зовем ти: Радуйся, в явлениех твоих образ Милосердия Божия явивый. Радуйся, вестниче Божий, дивная величия Господне верным открывый; Радуйся, источниче Божий, жажду духовную многих утоливый. Радуйся, всех, к тебе прибегающих, милостию своею покрываяй; Радуйся, от домашния вражды единокровныя миром ограждаяй. Радуйся, друга друга тяготы носити нас научаяй; Радуйся, страждущим усердно служити нас подвизаяй. Радуйся, на вся благая и душеполезная нас наставляй; Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 5: Богоявленною звездою путеводною был еси отроку Товии, егда отец посла его к сроднику своему на страну далече. И не токмо спутник добрый был еси ему, но и врачеватель искусный явися, егда повелел еси ему в реце рыбу изловити и изъяти из нея сердце, печень и желчь, дабы асмодея, демона- губителя каждением сим от благочесивей девы Сарры отгнати и слепаго Товита желчию уврачевати. За таковую убо же милость Божию к ним они воспеша Господеви благодарственную песнь: Аллилуйя. 
Икос 5: Видим убо тя взорем духовным, всехвальный архангеле Рафаиле, у Престола Божьего в велицей славе предстоящаго и за нас грешных молящегося и прсим тя: буди и нам спутник, якоже Товии, в жизни нашей многострадальней, сохраняя нас от греха и всякаго злаго обстояния, врагов видимых и невидимых, дабы возмогли и мы в здравии, мире и благоденствии славити Отца небеснаго и тебе, святый наш покровителю, величати сице: Радуйся, отроку Товии путь безмятежен сотворивый. Радуйся, мудрый и добрый советодатель ему бывый; Радуйся, путешествовати хотящим добрый спутниче и руководителю. Радуйся, путей покаяния и спасения мудрый сказателю; Радуйся, от похоти себялюбия нас благодатно исцеляяй. Радуйся, к земным богатствам сердцем не прилеплятися научаяй; Радуйся, сокровища нетленныя искати нас побуждаяй. Радуйся, светом радости души наша озаряяй; Радуйся, за вся Творца благодарити нас наставляй. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 6: Проповедует весь мир Христианский служение твое роду человеческому, яко провозвестника судеб Божиих и всеблагомощнаго молитвенника за ны ко Господу . За таковое служение твое всему роду человеческому, мы благодарным сердцем и усты поем Богу, благоизволившему послати нам ангелы своя: Аллилуйя. 
Икос 6: Возсиял еси, светоносный архангеле, яко светильник лучезарный и богоносный, егда возвестил еси праведному Товиту, яко ты еси “един от седми святых ангелов, иже приносят молитвы святых входят пред славу“ ( Товит; гл. 12) Милосерднаго Бога Нашего и заповеда всем верным , яко подобает спасения ради добро милостыню творити, Господеви молитися усердно и славословити Всесвятое имя Его; и тако совершив волю Божию, восшел еси во обители небесныя к Пославшему тя. Сего ради и мы, смиренне покланяяся Творцу Нашему, в радости духовней приносим тебе славословия сия: Радуйся, выну пред Господем за всех больных и страждущих ходатайствуяй; Радуйся, светом Божественным умы и сердца наша озаряй. Радуйся, яко тобою истина Христова присно утверждается; Радуйся, яко тобою лицеприятие и человекоугодие посрамляется. Радуйся, врачей премудростию и человеколюбием обогащаяй; Радуйся, богатых в милосердии и благотворении утверждаяй. Радуйся, бедных отраду и вспоможение всемилостиво даруяй; Радуйся, к творению дел благих всех нас усердно подвизаяй. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 7: Хотя Человеколюбец Господь явити в тебе, преславный Рафаиле, свое неизреченное к людем милосердие, показа тя, яко воистину светило многосветлое: скорым твоим ходатайством многая чудеса во дни Ветхаго Завета совершил еси, такожде и в наше прескорбное и многосуетное время не оставляеши нас предстательством твоим и подвизаеши Господеви умиленно взывати: Аллилуйя. 
Икос 7: Новое чудо сотворил еси, светозарный Рафаиле, егда, явившись преподобному Макарию Римлянину, указал еси ему место благословенное, идеже надлежало ему совершити подвизи своя, и во дни старости посетил еси угодника сего, избавление от искушения тяжкого ему даровав. Мы же, ныне вся сия поминающее, просим тя, архангеле святый, утверди и нас в вере во всемогущество и милосердие Творца нашего и прими милостиво приносимые ти с верою и любовию величания сия: Радуйся, (надежный) покров от браней и упокоение; Радуйся, преподобных Христовых утешение. Радуйся, кротцых нравом, святое благословение; Радуйся, молитвами твоими нас преображаяй. Радуйся, от глада духовного всех нас избавляяй; Радуйся, любви к Божьему творению нас научаяй. Радуйся, образ Божий в ближнем зрети наставляяй; Радуйся, нрав гневливый, на кроткий пременяй; Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 8: Странно и неудоприятельно суетному миру слышати, како молитвами твоими, богоносный архангеле, богатство милосердия Божиего изливается на всех, с верою притекающих к твоему небесному покровительству. Мы же, славяще Троицу святую, давшую ти благодать сию, умиленно Творцу нашему поем: Аллилуйя. 
Икос 8: Всем убо хощеши спасения, всеблагий наш покровителю, святый Архангеле Рафаиле, твоими бо ходатайствы и молитвами вся полезная нам даруеши: тобою бо пагуба отгоняется, здравие возвращается , мир и благоденствие водворяются на земли, понеже на Небесех присно предстательствуеши о нас. Сего ради просим тя: помози нам, заступниче наш, на жизненном пути нашем и молися Господеви о всех, вопиющих тебе сице: Радуйся, слепых зрячими сотворяяй; Радуйся, глухих слух и немым язык отверзаяй. Радуйся, хребты сокрушенные укрепляяй; Радуйся, кости поврежденные исправляяй. Радуйся, хромым радость хождения возвраяй; Радуйся, сухие руки и ноги токов жизни исполняяй. Радуйся, раны огненыя и смрадные струпы телесные исцеляяй; Радуйся, разума лишившимся молитвами твоими ум подаваяяй. Радуйся, святый архангеле Рафаиле, целителю недугов наших и молитвенниче о нас пред Богом. 
Кондак 9: Всякия беды, скорби и напасти избавляяй нас, святый Архангеле, твоими к Богу теплыми молитвами, потщися в претрудном земном житии спасения вечнаго достигнути, да с тобою купно в селении праведных воспоим Господеви: Аллилуиа.